Ба ифтихори Рӯзи Конститутсияи Ҷумҳурии Тоҷикистон, ки 6 ноябр дар ҷумҳурӣ ҳамасола ҷашн гирифта мешавад, дар МД «Пажӯҳишгоҳи тибби профилактикии Тоҷикистон» таҳти роҳбарии директори муассиса, д.и.т. Рузиев Муродалӣ, ҷаласаи тантанавӣ баргузор гардид. Дар ин ҷаласа, ки барои арҷгузорӣ ба ин санади тақдирсоз ташкил шуд, директори Пажӯҳишгоҳ маърузаи муҳимеро оид ба моҳияти Конститутсия пешниҳод намуданд. Ӯ таъкид дошт, ки Конститутсия танҳо санади ҳуқуқии давлатӣ, балки рамзи сулҳу субот, ваҳдат ва ҳимояи ҳуқуқу озодиҳои ҳар як шаҳрванд мебошад. Дар идомаи суханронии худ, Рузиев Муродалӣ тамоми кормандони муассисаро ба ватандӯстӣ, арҷгузорӣ ба қонун ва садоқат ба арзишҳои миллӣ даъват намуданд. Ҳамчунин, дар чорабинии мазкур якчанд кормандони ҷавони муассиса низ маъруза пешниҳод намуданд, ки ин иқдом ба баланд бардоштани рӯҳияи ватандӯстии ҷавонон мусоидат хоҳад кард.

Конститутсияи Ҷумҳурии Тоҷикистон ҳамчун санади олии ҳуқуқӣ заминаи устувори давлатдорӣ, ваҳдати миллӣ ва ҳифзи ҳуқуқу озодиҳои шаҳрвандон мебошад.

НАВРӮЗИ ОЛАМАФРӮЗ ДАР ПАЖӮҲИШГОҲ

Ҷашни баҳор, эҳёи табиат, дӯстӣ, ваҳдат ва созандагӣ

20-уми марти соли равон дар Муассисаи давлатии «Пажӯҳишгоҳи тибби профилактикии Тоҷикистон» бахшида ба ҷашни Наврӯзи оламафрӯз чорабинии бошукӯҳи идона баргузор гардид.

Дар чорабинӣ директори Муассиса Рузиев Муродалӣ Меҳмондустович кормандонро ба муносибати ҷашни Наврӯз самимона табрик намуда, ба онҳо саломатӣ, сарбаландӣ, файзу баракат ва комёбиҳои нав орзу намуд.

Наврӯз — рамзи баҳор ва эҳёи табиат

Наврӯзи хуҷастапай, ки аз ҷашнҳои қадимиву мардумии тоҷикон ба шумор меравад, таърихан Соли нави миллӣ буда, оғози баҳор, фасли кишту кор, эҳёи табиат ва файзу кушоишро таҷассум менамояд.

Ин иди мардумӣ асрҳо боз бо хушҳоливу фараҳ таҷлил гардида, дар он анъанаҳо, урфу одатҳо ва арзишҳои гаронбаҳои фарҳангии ниёгон инъикос меёбанд.

Рушди бесобиқаи Наврӯз ба давраи Истиқлолияти давлатии Ҷумҳурии Тоҷикистон рост омада, маҳз дар ҳамин давра мақому манзалати ин ҷашни бостонӣ боз ҳам баланд гардид, таъриху анъанаҳои он амиқан омӯхта шуда, Наврӯз ҳамчун рамзи сулҳ, дӯстӣ, ваҳдат ва инсондӯстӣ мақоми ҷаҳонӣ касб намуд.

Гӯшаи Наврӯзӣ

Бахшида ба ин ҷашни аҷдодӣ дар Пажӯҳишгоҳ гӯшаи махсуси Наврӯзӣ ташкил карда шуд.

Лаҳзаҳо аз чорабинии идона

Бигзор Наврӯзи оламафрӯз ба ҳар хонадон сулҳу субот, тандурустӣ, файзу баракат ва комёбиҳои нав оварад.

22 декабр Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ дар кӯчаи Шевченкои пойтахт бинои нави Вазорати тандурустӣ ва ҳифзи иҷтимоии аҳолии Ҷумҳурии Тоҷикистонро мавриди баҳрабардорӣ қарор доданд.

Основатель мира и национального единства — Лидер нации, Президент Республики Таджикистан уважаемый Эмомали Рахмон и Председатель Маджлиси милли Маджлиси Оли Республики Таджикистан, Председатель города Душанбе уважаемый Рустам Эмомали в городе Душанбе сдали в эксплуатацию новое здание Министерства здравоохранения и социальной защиты населения Республики Таджикистан.

Бинои нави вазорат дар кӯчаи Шевченкои шаҳри Душанбе ҷойгир буда, барои фаъолияти муосир ва самараноки сохтори марказии соҳаи тандурустӣ ва ҳифзи иҷтимоии аҳолӣ шароити муносиб фароҳам меорад.

Дар меҳмонхонаи “Хилтон”-и шаҳри Душанбе оид ба тадқиқоти миллии вазъи йод дар Тоҷикистон дар соли 2021 мизи мудаввар баргузор гардид, ки дар он Гулбаҳор Ашурзода, муовини раиси кумитаи Маҷлиси намояндагон оид ба масъалаҳои иҷтимоӣ, оила ва ҳифзи саломатӣ, Ҷаъфаров Навруз, сардори Раёсати амнияти санитарию эпидемиологӣ, ҳолатҳои фавқуллода ва кўмаки фаврии тиббии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, намояндагони як қатор вазорату идораҳо, шарикон оид ва рушд ва мутахассисони соҳа иштирок намуданд.

Чораҳои давлатӣ

Вобаста ба ин, бо истифода аз таҷрибаи ҷаҳонӣ Ҳукумати Ҷумҳурии Тоҷикистон чораҳои таъхирнопазир андешида, мушкилиҳои дар ин самт бударо ба воситаи қабули қонунҳо, стратегияҳо, барномаҳо ва нақшаҳои миллию минтақавӣ марҳила ба марҳила ҳал намуда истодааст.

Йод микроэлементест, ки барои фаъолияти биологии бадани инсон, аз ҷумла тавлиди гармонҳои сипаршакл зарур аст. Мушкилоти норасоии йод (IDD) дар саросари ҷаҳон бо сабаби таъсири харобиовараш ба рушди равонӣ ва психомотории тифлон ва кӯдакони хурдсол яке аз масъалаҳои асосии саломатӣ боқӣ мемонад.

Оқибатҳои норасоии йод

Дар саросари ҷаҳон, 1,8 миллиард нафар одамон дар минтақаҳое зиндагӣ мекунанд, ки аз сабаби истеъмоли нокифояи йод, таҳти хавфи норасоии йод қарор доранд. Норасоии йод ба тамоми марҳалаҳои ҳаёти инсон, шурӯъ аз давраи афзоиш дар батни модар то давраи пирӣ таъсир мерасонад. Оқибатҳои норасоии йод натиҷаҳои номақбули таваллуд, кретинизм, ҷоғар, гипотиреоз ва ақибмонии инкишофи ҷисмонӣ ва равониро дар бар мегиранд. Бо вуҷуди ин, занони синну соли репродуктивӣ, аз ҷумла занони ҳомиладору синамакон ва кӯдакони то 5-сола зери хатари баланд қарор доранд. Ҳангоми афзоиш ва инкишофи тифл дар батн ва пас аз таваллуд, норасоии йод боиси осеби ислоҳнопазири мағзи сар ва системаи марказии асаб мегардад. Аксарияти оқибатҳои норасоии йод ноаён ва ислоҳнашаванда мебошанд, аммо дар айни замон ин вазъиятро комилан метавон пешгирӣ кард.

Дар идомаи мизи мудаввар як қатор иштирокчиён доир ба паҳлуҳои гуногуни масъалаи мазкур баромад намуданд.

МД «Пажӯҳишгоҳи тибби профилактикии Тоҷикистон» бахшида ба таҷлили зодрӯзи олими бузург, файласуф ва ҳакими тоҷик Абӯалӣ ибни Сино ва иди касбӣ «Рӯзи кормандони соҳаи тандурустии Ҷумҳурии Тоҷикистон» ҷамъомад баргузор намуд.

Инчунин, директори Пажӯҳишгоҳ, доктори илмҳои тиб, муҳтарам Рузиев Муродали Меҳмондустович бо медали 90-солагии Иттифоқи касабаи кормандони соҳаи тандурустӣ сарфароз гардонида шуд.

Таҷлили ин санаи муҳим ифодаи арҷгузорӣ ба заҳмати кормандони соҳаи тандурустӣ ва саҳми онҳо дар ҳифзи саломатии аҳолӣ мебошад.